Սթրեսը կանանց ֆիզիկական ցավ է պատճառում

Մշտական սթրեսը կարող է գլխացավի եւ մկանային, ինչպես նաեւ անոթների ցավի պատճառ դառնալ: Այս մասին հայտարարել են շվեդ գիտնականները:

Մասնագետներն ուսումնասիրել են 1500 կանանց հոգեկան վիճակըլ: Պարզվել է, որ միջին տարիքի կանանց 20%-ը վերջին 5 տարիներին մշտապես կամ հաճախակի սթրես է տարել:

Վերլուծելով փաստերը, շվեդ գիտնականները պարզել են, որ սթրեսի պայմաններում ապրող կանանց 40%-ը հաճախ է տառապում մկանային եւ անոթային ցավերից, ինչպես նաեւ ունեն մարսողության հետ կապված խնդիրներ: Տարիքի հետ իրավիճակն ավելի է խորանում: Ռիսկի խմբում են 40-60 տարեկան կանայք, ովքերք ծխում են եւ աշխատում տնից դուրս:

Ավելի վաղ գիտնականները պարզել էին, որ այն մարդիկ, ովքեր հասուն տարիքում սթրեսի են ենթարկվում, ծերության ժամանակ առավել հաճախ են տառապում ուղեղի հետ կապված խնդիրներից:

Հարցեր, պատասխաններ, մեկնաբանություններ